(مسلم لیگ (ن) نوں پنجاب وچ اک ہور جھٹکا)اسلام آباد وچ پنجاب اسمبلی دے 9 اراکین دی حکومتی شخصیت دے نال ملاقات
اسلام آباد (بیورو رپٹ)مسلم لیگ (ن) نوں پنجاب وچ اک ہور جھٹکا،اسلام آباد وچ پنجاب اسمبلی دے 9 اراکین دی حکومتی شخصیت دے نال ملاقاتاں۔ تفصیلات دے مطابق وفاقی سرکار ولوں مسلم لیگ ن نوں توڑن دی کوششاں مسلسل جاری نیں تے پنج منحرف اراکین پنجاب اسمبلی دے ذریعے ن لیگ پنجاب دے مزید نو اراکین دے نال حکومتی شخصیت دی بیٹھک ہوئی اے ایہناں سرکار وچ لالچ دتا اے کہ اگر اوہ مسلم لیگ ن نوں خیر بادآکھ دیں گے تے ایہناں دی پالیسیاں کولوں اتفاق نہ کرے تے جس طرحاں پنج منحرف اراکین نوں ترقیاتی فنڈز ملے نیں ایسی طرحاں ایہناں وی ایہناں دے حلقیاں لئی ترقیاتی فنڈز دتے جان گے۔ ایس ویلے ن لیگ توں بغاوت کرن والے ایم پی ایز دی تعداد 14 ہوگئی اے۔ ایہناں دا موقف اے کہ قومی سلامتی دے اداریاں افواج پاکستان اتے تنقید برداشت نہیں کیتی جا سکدی۔
