فخری زادہ نوں اک “پیچیدہ آپریشن” وچ قتل کیتا گیا: ایران

تہران (مانیٹرنگ ڈیسک) ایران دے اک عہدیدار نے آکھیا اے کہ جوہری سائنس دان محسن فخری زادہ نوں اک “پیچیدہ آپریشن” وچ قتل کیتا گیااے۔ غیر ملکی خبر رساں ادارے دے مطابق چھان بیان دے بعد ایرانی سرکار نے ایہہ موقف اپنایا اے کہ محسن فخری زادہ نوں جدید روبوٹک مشین گن دے نال نشانہ بنایا گیا جس نوں شائد میلاں دور ریمورٹ دے نال کنٹرول کیتا جا رہیا سی۔ سائنسدان دے قتل وچ ریمورٹ کنٹرول اسلحہ دا ا ستعمال ہویا جہڑا اسرائیل وچ بنایا گیا سی۔ ایران دے جوہری سائنس دان اتے گولی کسی انسان نے نہیں چلائی بلکہ جدید ترین ریموٹ کنٹرول مشین گن دا استعمال ہویااے۔ رپورٹس دے مطابق ایرانی سائنس دان نوں گڈی وچ نصب ریموٹ کنٹرول مشین گن دے ذریعہ نشانہ بنایا گیا۔ گڈی فخری زادہ توں ڈیڑھ سو میٹر دور رکی ریمورٹ کنٹرول مشین گن دے ناف فائرنگ ہوئی۔ اوہناں نے مزیدآکھیا اے کہ ’صہیونی سرکار تے موساد دے نال مجاہدین خلق ایران ’یقینی‘ طورتے ایہدے وچ ملوث سن۔