آصفہ بھٹو زرداری دی سیاست وچ انٹری اُتے جہانگیر ترین دا پُترعلی ترین وی متاثر
اسلام آباد ( پنجابی میڈیا گروپ )سابق وزیر اعظم بے نظیر بھٹو مرحوم دی کُڑی آصفہ بھٹو زرداری نے پچھلے دناں پنجاب توں سیاست دا آغاز کیتا ، ملتان وچ اپوزیشن اتحاد دے جلسے نال خطاب کیتا ، تے ایس دوران لوکاں دی توجہ دا مرکز بن گئی ۔جلسے وچ عوامی سطح اُتے اوہناں نوں بوہت پزیرائی ملی ۔آصفہ بھٹو زرداری دی سیاست وچ انٹری تے تحریک انصاف دے اہم رہنما جہانگیر ترین دا پُتر بوہت متاثر ہو ئیا، ٹوئٹر اُتے علی ترین نے آصفہ بھٹو دی تعریف کیتی تے آکھیا کہ سیاسی مخالفت اپنی جگہ لیکن آصفہ بھٹو بوہت زبردست نیں ۔
