سرکار دی طرفوں اٹ دا جواب پتھر دے نال دتا جاوے گا ، مریم اورنگزیب

لہور( سٹی رپورٹر) مسلم لیگ ن دی ترجمان مریم اورنگزیب نے آکھیا ا ے کہ لہور جلسے دی تیاریاں شروع کردتیاں نیں۔ سرکار دی طرفوں اٹ دا جواب پتھر دے نال دتا جاوے گا ،اک بیان وچ ایہناں داآکھنا سی کہ لہور وچ پاکستان ڈیموکریٹک موومنٹ (پی ڈی ایم) دی مقامی قیادت دا اجلاس ہووے گا، اجلاس وچ جے یو آئی ف دے رہنما غفور حیدری وی شریک ہون گے۔ اجلاس وچ تیرہ دسمبر نوں لہور وچ پی ڈی ایم جلسے توں متعلق مشاورت ہووے گی تے لہور وچ جلسے دے انتظامات داجائزہ لیا جاوے گا۔ ایہناں دا مزیدآکھنا سی کہ اجلاس وچ سرکارولوں ممکنہ رکاوٹاں دا مقابلہ کرن لئی حکمت عملی تیار کیتی جاوے گی۔