پنجاب سرکار نے شہبازشریف تے حمزہ دی پیرول رہائی وچ اک دن دی توسیع کردتی

لہور (سٹی رپورٹر) پنجاب سرکار نے مسلم لیگ ن دے صدر شہبازشریف تے ایہناں دے صاحبزادے حمزہ دی پیرول رہائی وچ اک دن دی توسیع دیدتی۔ ترجمان پنجاب سرکاردے مطابق شہباز شریف تے حمزہ شہباز دی پیرول وچ توسیع دا فیصلہ مشاورت دے نال کیتا گیا اے۔ یاد روے کہ پچھلے روز مسلم لیگ ولوں محکمہ داخلہ پنجاب نوں شہبازشریف تے حمزہ شہباز دی پیرول دی مدت وچ توسیع لئی درخواست دتی سی۔ ایہہ درخواست مسلم لیگ ن دے جنرل سیکرٹری عطا تارڑ ولوں دائر کیتی گئی ۔ درخواست وچ موقف اپنایا گیا کہ شہبازشریف قومی اسمبلی وچ قائد حزب اختلاف تے اک وڈی سیاسی جماعت دے صدر نیں جدکہ حمزہ شہباز وی پنجاب اسمبلی وچ قائد حزب اختلاف نیں۔