جدوں وی سرکاردے خلاف اپوزیشن اتحادبنیاایہدے نتائج ضرور آئوندے نیں : سعد رفیق

لہور (سٹی رپورٹر) احتساب عدالت نے پیرا گون ہائوسنگ سکینڈل ریفرنس وچ ایل ڈی اے دے مجاز افسر نوں ریکارڈ سنے طلب کردیاں ہویاں سماعت 15دسمبر تیک ملتوی کر دتی ۔احتساب عدالت دے جج سید جواد الحسن نے کیس دی سماعت کیتی ۔خواجہ سعد رفیق تے خواجہ سلمان رفیق عدالت وچ پیش ہوئے ۔دوران سماعت سلمان رفیق دے وکیل اشتراوصاف نے نیب دے گواہ پٹواری عبد الغفور اتے جرح مکمل کیتی۔عدالت نے آئندہ سماعت اتے ایل ڈی اے افسر نوں ریکارڈ سنے طلب کردیاں ہویاں سماعت 15 دسمبر تیک ملتوی کردتی۔ بعد ازاں احتساب عدالت وچ پیشی دے موقع اتے میڈیا دے نال گل بات کردیاں ہویاں مسلم لیگ ن دے سینئر رہنما خواجہ سعد رفیق نے آکھیا اے کہ لہور جلسے دے حوالے توں سرکاردے کسی اقدام توں خوفزدہ نہیں۔جدوں وی سرکاردے خلاف اپوزیشن اتحادبنیاایہدے نتائج ضرور آئوندے نیں ۔سعد رفیق ہوراں نے مزیدآکھیا اے کہ پنجاب وڈا بھرا اے تے ایہہ جدوں وی نکلیا اے تے سبھ دے مسائل حل ہو جاندے نیں۔ سندھ ،خیبر پختوانخواہ تے بلوچستان دے عوام پنجاب ول ویکھ رہے نیں۔ لہور دا جلسہ اک تاریخی جلسہ ہووے گا۔ اسیں کرونا نوں ڈکن لئی کرونا ایس پیز او ز اتے مکمل عمل کرا ں گے۔