تحریک انصاف موتاں اُ تے وی سیاست توں باز نہیں آ رہی: حمزہ شہباز
لہور( پنجابی میڈیا گروپ) پنجاب اسمبلی وچ اپوزیشن لیڈر حمزہ شہباز آکھیا اے تحریک انصاف میتاں تے وی سیاست توں باز نہیں آ رہی۔ جاتی امراء وچ میڈیا نال گل کردیاں حمزہ شہباز آکھیا پتھر دل والیاں نوں پیرول دیوے گا، تحریک انصاف میتاں تے وی سیاست توں باز نہیں آ رہی، بیگم کلثوم نواز دے بعد ہن میری دادی دی وفات تے وی سرکار گندی سیاست کر رہی اے، اوہناں آکھیا عمران خان دے سونامی نے ہر گھر نوں غربت تے بیروزگاری وچ ڈبو دتا اے، پی ڈی ایم عوام دا غصہ اے جہنوں روکیا نہیں جا سکدا۔ لیگی رہنما دا کہنا سی سٹیل مل دے ملازماں نوں فارغ کرنا ظلم اے، حکومتی پالیسیاں نال سعودی عرب ورگا دوست وی ناراض اے۔
