ڈالر دوبارہ ودھن لگ پیا

لہور( پنجابی میڈیا گروپ)ملک وچ دوبارہ امریکی ڈالر تیزی نال ودھن لگ پیا، امریکی کرنسی اک ور فیر160روپے توں اُتے چلا گیا۔ دو دندے دوران ڈالر اک روپے ودھ گیا۔تفصیلات دے مطابق پچھلے دو دناں دے دوران پاکستان دی مقامی مارکیٹ وچ امریکی ڈالر دی قیمت ودھد دی جا رہی اے ۔ قیمت ودھن توں بعد امریکی کرنسی بارے توقع کیتی جا رہی اے ایس وچ مسلسل ودھا ویکھن نوں ملے۔سٹیٹ بینک آف پاکستان دی سماجی رابطے دی ویب سائٹ ٹویٹر اُتے جاری ریٹ لسٹ دے مطابق ایس ہفتے دے دُجے کاروباری دن دے دوران انٹر بینک وچ ڈالر64پیسے مہنگا ہو گیا، نویں قیمت159روپے82پیسے توں ودھ کے160روپے46پیسے ہو گئی اے۔یاد رہے کہ پچھلے دناںانٹر بینک وچ ڈالر دی قدر40پیسے ودھگئی سی۔ انٹر بینک وچ امریکی کرنسی دی نویں قیمت159روپے42پیسے توں ودھکے159روپے82پیسے ہو گئی سی۔