پاک بحریہ دے سربراہ ایڈمرل محمد امجد خان نیازی دا دورہ ترکی

اسلام آباد (بیورو رپورٹ) پاک بحریہ دے سربراہ ایڈمرل محمد امجد خان نیازی نے ترکی دا سرکاری دورہ کیتا ۔ ترجمان پاک بحریہ دے مطابق ایڈمرل محمد امجد خان نیازی نوں ترکش آرمڈ فورسز دا اعلیٰ عسکری ایوارڈ ’’لیجن آف میرٹ‘‘ تفویض کیتا گیا ۔ترکش نیول فورسز ہیڈکوارٹرز آمد اتے ترک بحریہ دے سربراہ ایڈمرل عدنان اْزبال نے سربراہ پاک بحریہ نوں جی آیا ں نوں آکھیا۔ ایڈمرل محمد امجد خان نیازی نوں ترکش نیول فورسز دے ہیڈکوارٹرز آمد اتے روایتی گارڈ آف آنر پیش کیتا گیا۔سربراہ پاک بحریہ نوں ترک بحریہ توں متعلق تفصیلی بریفنگ دتی گئی۔ سربرا￿ پاک بحریہ نے ترکی دے نیول چیف دے علاوہ قومی دفاع دے وزیر ،کمانڈر ترکش آرمڈ فورسز تے دیگر حکام دے نال وی ملاقاتاں کیتایاں۔ ایہناںملاقاتاں دے دوران باہمی دلچسپی دے امور بشمول علاقائی سکیورٹی صورتحا ل تے بحری تعاون اتے وی و چار کیتا گیا۔ امیر البحر نے خطے وچ میری ٹائم سیکیورٹی دے استحکام لئی ترکش آرمڈ فورسز دی کاوشاں نوں سراہیا۔نیو ل چیف دا ایہہ دورہ دوواں ملکاں دے بحری افواج دے وچکار تعلقات نوں مزید فرو غ دیوے گا۔

اپنا تبصرہ گھلو