وزیراعلیٰ پنجاب دی زیرقیادت پنجاب وچ ریکارڈ قانون سازی ہوئی، فردوس عاشق
لہور(سٹی رپورٹر ) معاون خصوصی وزیر اعلیٰ پنجاب فردوس عاشق اعوان نے آکھیا اے کہ وزیراعلیٰ پنجاب دی زیرقیادت پنجاب وچ ریکارڈ قانون سازی ہوئی۔ سماجی رابطے دی ویب سائٹ ٹوئٹر اتے اک ٹو یٹ وچ معاون خصو صی داآکھنا اے کہ پنجاب اسمبلی توں 68بلز منظور کروائے جہدی ماضی وچ کوئی مثال نہیں ملدی۔

اوہناں نے آکھیا اے کہ منظور ہون والے قوانین کرپشن دے خاتمے تے ملکی ترقی وچ معاون ثابت ہون گے۔ ڈاکٹر فردوس عاشق اعوان ہوراں نے مزیدآکھیا کہ دہائیاں توں رائج قوانین دی تجدید دے نال نال خواتین، بالاں تے معاشرے دے کمزور طبقات دا تحفظ قانون سازی دا محوراے۔

اوہناں نے آکھیا اے لٹیریاں کولوں لٹیاں پیسہ واپس لین، کرپشن دے خاتمے تے عوامی فلاح وبہبود لئی بنائے گئے جدید قوانین ملکی ترقی وچ معاون ثابت ہون گے۔
Load/Hide Comments





















