مسجداں لئی نویں کورونا ایس اوپیز؛ صدر پاکستان دی علمائے کرام نال ویڈیو کانفرنس
اسلام آباد( پنجابی میڈیا گروپ) مسجداں لئی نویے کورونا ایس اوپیز بنان لئی صدر پاکستان نے چاراں گورنراں تے علما نال ویڈیو کانفر نس اج رکھ لئی۔میڈیا دے مطابق کورونا دی دُجی لہر وچ شدت توں بعد حکومت نے مسجداں لئی ایس اوپیز دا از سرنو جائزہ لین دا فیصلہ کیتا اے تے بیماری توں بچن لئی نویے ایس او پیز وی تیار کیتے جان گے۔ذرائع دا آکھنا اے کہ کورونا دے خلاف اقدامات دے حوالے نال صدر مملکت عارف علوی نے چاراں گورنراں تے علمائے کرام نال ویڈیو کانفرنس رکھ لئی جس وچ وفاقی وزیر داخلہ اعجاز شاہ تے وفاقی وزیر مذہبی امور نور الحق قادری وی رلت کرن گے، جد کہ آزاد کشمیر دے صدر تیگلگت بلتستان دے گورنر دی بذریعہ ویڈیو کانفرنس رلتدا امکان اے۔
