بے قابو کورونا ہور خطرناک : 24گھنٹے دے دوران 39موتاں، 3499نویں مریض رجسٹرڈ

اسلام آباد: کورونا وائرس نال 39بندے جاں بحق ہو گئے جہدے بعد موتاں دی تعداد 8ہزار 205ہو گئی۔ پاکستان وچ کورونا دے تصدیق شدہ کیساں دی تعداد 4لکھ 6ہزار 810ہو گئی۔ نیشنل کمانڈ اینڈ آپریشن سنٹر دے تازہ ترین اعداد و شمار دے مطابق پچھلے 24گھنٹیاں دے دوران 3ہزار 499نویں کیس رپورٹ ہوئے۔ پنجاب وچ اک لکھ 21ہزار83سندھ وچ اک لکھ 77 ہزار 625، خیبر پختونخوا میں 47 ہزار 919، بلوچستان وچ 17 ہزار 268، گلگت بلتستان وچ 4 ہزار 683، اسلام آباد وچ 31 ہزار 165 جد کہ آزاد کشمیر وچ 7 ہزار 67 کیسز رپورٹ ہوئے۔ملک بھر وچ ہن تک 56 لکھ 27 ہزار 539 بندیاں دے ٹیسٹ کیتے گئے، پچھلے 24 گھنٹیاں دے دوران 42 ہزار 904 نویں ٹیسٹ کئے گئے، ہن تک 3 لکھ 46 ہزار 951 مریض صحت یاب ہوچکے نیں جد کہ 2 ہزار 469 مریضاں دی حالت تشویشناک اے۔پاکستان وچ کورونا نال اک دن وچ 39 بندے جاں بحق ہوئے جہدے بعد وائرس نال مرن والیاں دی تعداد 8 ہزار 205 ہوگئی۔ پنجاب وچ 3 ہزار 91، سندھ وچ 2 ہزار 968، خیبر پختونخوا وچ اک ہزار 378، اسلام آباد وچ 329، بلوچستان وچ 169، گلگت بلتستان وچ 97 تے آزاد کشمیر وچ 173 مریض جان توں ہتھ دھو بیٹھے۔