شہباز شریف تے حمزہ پیرول دی مدت مکمل ہون تے کوٹ لکھپت جیل منتقل

لہور: شہباز شریف تے حمزہ شہباز نوں 6روزہ پیرل مکمل ہون دے بعد واپس جیل منتقل کر دتا گیا۔ شہباز شریف تے حمزہ شہباز دی پیرول دی مدت پوری ہون تے کوٹ لکھپت جیل منتقل کر دتا گیا اے، اوہناں دی روانگی دے موقع تے لیگی کارکناں دی اپنے قائدین دے حق تے سرکار دی مخالفت وچ شدید نعرے بازی کیتی۔ شہباز شریف تے حمزہ شہباز نوں دوواں وکھرے وکھرے قافلیاں دی صورت وچ لے جایا گیا، ایس موقع تے پلس ولوں سخت سکیورٹی دے انتظامات کیتے گئے۔ جیل دے داخلی دروازے ریلوے پھاٹک تے جیل دی پلس تے ضلعی پلس موجود رہی، روانگی توں پہلاں مریم نواز نے دوواں رہنماواں نال الوداعی ملاقات کیتی۔ واضح رہے شہباز شریف تے حمزہ شہباز نوں حکومت پنجاب نے بیگم شمیم اختر دے انتقال دے بعد 27نومبر نوں 5روزہ پیرول تے رہا کیتا سی۔