او آئی سی اجلاس وچ جموں و کشمیر تے تاریخی موقف دا اعادہ کیتا گیا: ترجمان دفتر خارجہ

اسلام آباد: پاکستان نے افغان حکومت اور طالبان وچکار معاہدے دا خیر مقدم کیتا اے۔ ترجمان دفتر خارجہ زاہد حفیظ چودھری نے معمول دی پریس بریفنگ وچ آکھیا پاکستان دوحہ وچ طے پاؤن والے افغان جماعتاں دے قواعد و ضوابط بارے معاہدے دا خیر مقدم کردا اے ، ایہ معاہدہ فریقین وچکار سمجھوتے نوں ہور محفوظ بنان دے مشترکہ عزم دا عکاس اے تے بین الافغان مذاکرات دے کامیاب نتائج ول اک اہم پیش رفت اے، پاکستان انٹرا افغان مذاکرات دی حمایت جاری رکھے گا۔ زاہد حفیظ چودھری نے ایرانی سائنسدان فخر زادہ دے قتل دی مذمت کردیاں آکھیا فخر زادہ دے اہل خانہ تے ایرانی عوام نال اظہار تعزیت کرنے آں، خطے وچ تناؤ گھٹ کرن لئی سارے فریقین نال ضبط و تحمل نال کم لین۔ ترجمان دفتر خارجہ آکھیا مقبوضہ کشمیر وچ بھارتی غیر قنونی تے وحشیانہ فوجی محاصرے نوں 486دن ہو چکے نیں، بھارت پچھلی 7دہائیاں تو نہتے کشمیریاں نوں ظلم و جبر دا نشانہ بنا رہیا اے، اقوام متحدہ تے عالمی برادری مضبوضہ کشمیر وچ جاری بھارتی مظالم دا نوٹس لوے تے او آئی سی وزرائے خارجہ اجلاس وچ جموں و کشمیر تے تاریخی موقف دا اعادہ کیتا گیا۔