صدر عارف علوی دی زیر صدارت اجلاس، سرکار تے علماء دا اج یوم دعا منان دا فیصلہ

اسلام آباد: نماز جمعہ دے اجتماعواں وچ کورونا دی دوجی لہر توں تحفظ لئی خصوصی دعاواں کیتی جان گیاں۔ کورونا دی دوجی لہر وچ شدت دے بعد سرکار نے مساجد لئی ایس او پیز دا نویں سرے توں جائزہ لین لئی صدر مملکت عارف علوی دی زیر صدارت اجلاس منعقد ہویا جہدے وچ وباء توں بچاؤ لئی نویں ایس او پیز تیار کیتے گئے جد کہ فیصلہ کیتا گیا کہ اج ملک بھر وچ نماز جمعہ دے اجتماعواں وچ کورونا دی دوجی لہر توں تحفظ لئی خصوصی دعاواں کیتی جان گیاں۔ اجلاس وچ وزیر مذہبی امور پیر نور الحق قادری تے علماء کرام نے ویڈیو لنک دے راہیں رلت کیتی، کورونا وائرس دی وباء دی دوجی لہر تے علماء نے تشویش دا اظہار کردیاں یقین دہانی کرائی کہ مساجد وچ ایس او پیز تے عملدرآمد نوں یقینی بنایا جائے گا۔ علمائے کرام نے عوام توں اپیل کیتی کہ کجھ عرصہ لئی جلسہ جلوساں نوں موخر کر دتا جائے۔ صدر مملکت دا کہنا سی وباء توں تحفظ لئی رجوع الی اللہ کیتا جائے، ہتھ دھون، سماجی فاصلے، ماسک پاؤن تے نماز دے دوران صفاں وچ مناسب فاصلہ تے عملدرآمد نوں یقینی بنایا جائے۔