چیئرمین نیب دی زیر صدارت ایگزیکٹو بورڈ اجلاس، اسحاق ڈار دے خلاف انکوائری دی منظوری
اسلام آباد: چیئرمی نیب جسٹس (ر) جاوید اقبال دی زیر صدارت ایگزیکٹو بورڈ دا اجلاس ہویا جہدے وچ اسحاق ڈار دے خلاف کرپشن کیس سنے دوجی انکوائریاں دی منظوری دتی گئی۔ نیب دے جاری کیتے اعلامیہ دے مطابق سابق وزیراعلیٰ گلگت بلتستان مہدی شاہ دے خلاف کرپشن کیس دی انکوائری دی منظوری وی دتی گئی اے جد کہ سابق ڈائریکٹر سی ڈی اے اسد اللہ فیض سنے دوجیاں دے خلاف ریفرنس دائر کیتا جائے گا۔ سی ڈی اے حکام تے کلینک دا پلاٹ کمرشل مقاصد لئی الاٹ کرن دا الزام اے۔ چیئرمین نیب جسٹس (ر) جاوید اقبال دا کہنا سی احتساب سب لئی دی پالیسی تے سختی نال عمل پیرا آں، کرپشن فری پاکستان نیب دی اولین ترجیح اے۔ اوہناں نے سابق سفیر اے ایس بابر ہاشمی سنے دوجے ملزمان دے خلاف کرپشن ریفرنس دائر کرن دی وی منظوری دتی۔
