پوری پاکستانی قوم صبح آزادی تیک کشمیریا ں دے شانہ بشانہ روے گی :سراج الحق

لہور( سٹی رپورٹر) جماعت اسلامی پاکستان دے امیر سینیٹر سراج الحق دے نال کنونیئر کل جماعتی کشمیر رابطہ کونسل و چیئرمین پبلک اکائونٹس کمیٹی عبدالرشید ترابی،تحریک کشمیر برطانیہ دے صدر فہیم کیانی نے وفد دے ہمراہ ملاقات کیتی۔ ترجمان د ے مطابق ایس موقع اتے گل بات کردیاں ہویاں سینیٹر سراج الحق نے آکھیا اے کہ تارکین وطن تے تحریک کشمیر برطانیہ نے سفارتی محاذ اتے گراں قدر خدمات سرانجام دتیاں نیں۔ پوری قوم تارکین وطن تے تحریک کشمیر برطانیہ نو خراج عقیدت پیش کردی اے۔نریندرمودی ظلم تے تشدد دے نال کشمیریاں نوں آزادی دی منزل توں دور نہیں کرسکدا۔ کشمیر دی آزادی اتے مینوں ایس طرحاں یقین اے جس طرحاں سورج دے طلوع ہون دا یقین اے۔ جماعت اسلامی پاکستان ای نہیں بلکہ پوری پاکستان قوم کشمیریاں دے شانہ بشانہ کھڑی اے۔ پاکستان دے حکمران ایہہ گل یاد رکھن کہ جہناں نے وی کشمیریاں دے خون دے نال بے وفائی کیتی اوہ نشان عبرت بنے نیں۔سراج الحق ہورا ںنے مزیدآکھیا اے کہ جماعت اسلامی روز اول توں تحریک آزادی کشمیر دی پشتیبان اے اسیں کشمیریاں نوں یقین دلانے آں کہ صبح آزادی تیک اسیں ایہناں دے شانہ بشانہ رواں گے۔