وزیر اعلیٰ پنجاب عثما ن بزداردے نال اراکین اسمبلی دی ملاقات

لہور ( سٹی رپورٹر) وزیراعلیٰ پنجاب وزیراعلیٰ عثمان بزدار نے آکھیا اے کہ پی ڈی ایم دا ایجنڈا ترقی دے سفر وچ رخنہ پانا اے۔ عوام ترقی چاہندے نیں افراتفری نہیں۔ بدقسمتی دے نال اپوزیشن دا ٹولہ ملکی مفادات نوں فراموش کرچکیا اے۔ رسوائی ایہناں عناصر دا مقدر بن چکی اے۔ وزیر اعلی پنجاب عثمان بزدار دے نال اراکین اسمبلی نے ملاقات کیتی اے جہدے وچ لہور شہر دی ترقی تے شہریا ں نوں مزید سہولتاں دین دے حوالے دے نال کیتے اقدامات اتے گل با ت کیتی گئی۔ منتخب نمائندیاں نے شہریاں دے مسائل دے حل لئی تجاویز دتیاں۔ اراکین اسمبلی نے لہور دی ترقی تے شہریاں د ی سہولت لئی میگا پراجیکٹس دے اعلان اتے عثمان بزدار دے نال اظہار تشکر کیتا۔ ایس موقع اتے عثمان بزدار داآکھنا سی لہور لئی ارباں روپے دے ترقیاتی منصوبے شروع کررہے آں۔ زندہ دلان لہور نوں کرپٹ ٹولہ گمراہ نہیں کر سکدا۔