سرکارنوں پنج سال دا مینڈیٹ ملیا ،اپوزیشن صبر کرے : جمشیداقبال چیمہ

لہور (سٹی رپورٹر)انصاف ویلفیئر ونگ دے مرکزی سیکرٹری جنرل جمشید اقبال چیمہ نے آکھیا اے کہ معیشت نوں دستاویزی شکل دینا اک وڈا چیلنج اے تے ایہدی تکمیل دے بعد پاکستان ٹیک آف دی پوزیشن لئی پہلا مرحلہ عبورکر لوے گا ،وزیر اعظم عمران خان ورثے وچ ملے پہاڑاں ورگے مسئلیاں نال جرات نال نبڑ رہے نیں ایسی وجہ توں ماضی دے تجربہ کار حکمراناں دی حیرانی تے پریشانی دیدنی اے۔ اپنے دفتر وچ ملاقات لئی آن والے پارٹی رہنمائواں دے وفد دے نال گل با ت کردیاں ہویاں جمشیداقبال چیمہ نے آکھیا اے کہ سرکارنوں پنج سال دا مینڈیٹ ملیا ،اپوزیشن صبر کرے ۔اوہناں نے آکھیا اے کہ ملک دی ترقی لئی ہر شخص اپنی استعداد دے مطابق کردار ادا کرنا پے گا۔ صرف چند لکھ ٹیکس دہندگان اتے بوجھ ڈال کے زیادہ دیر تیک معاملات نوں نہیں چلایا جا سکدا۔