کورونا بے قابو؛ مریضاں دی تعداد55ہزار توں ودھ گئی

اسلام آباد( پنجابی میڈیا گروپ) ملک وچکورونا دی دُجی لہر ہور تیز ہوگئی تے اک وار فیر ایس وائرس نال متاثرہ مریضاں دی تعداد55ہزار توں ودھ گئی ۔نیشنل کمانڈ اینڈ کنٹرول سینٹر(این سی او سی) دے جاری کردہ اعداد و شمار دے مطابق پچھلے اک دن وچ ملک بھر وچ کورونا دے39ہزار76ٹیسٹ کیتے گئے، ایس طرح ملک بھر وچ مجموعی طوراُتے کوویڈ 19ٹیسٹاں دی تعداد57لکھ94ہزار242ہوگئی اے۔کیتھے کتنے مریض نیںاین سی او سی دے مطابق پچھلے24گھنٹے وچ3ہزار795لوکاں وچ کورونا وائرس دی تشخیص ہوئی اے، ایس طرح ملک بھر وچ کوویڈ19دے مصدقہ مریضاں دی تعداد4 لکھ20 ہزار294ہوگئی اے۔پنجاب وچ کورونا مریضاں دی تعداد اک لکھ23ہزار762ہوگئی ، ایسی طرح سندھ وچ اک لکھ84ہزار486،خیبر پختونخوا وچ49ہزار676،بلوچستان وچ17ہزار466، آزاد کشمیر وچ7ہزار356، اسلام آباد وچ32ہزار816تے گلگت بلتستان وچ4 ہزار732افراد وچ کورونا دی تصدیق ہوئی اے۔کورونا پاروں پاکستان وچ ہور37افراد جان توںہتھ دھو بیٹھے جس توں بعد ملک وچ ایس وائرس دے ہتھوں لقمہ اجل بنن والیاں دی کل تعداد8ہزار398ہو گئی سندھ وچ3 ہزار177، پنجاب وچ3 ہزار19،خیبر پختونخوا وچ اک ہزار413، اسلام آباد وچ341،گلگت بلتستان وچ98، بلوچستان وچ169تے آزاد کشمیر وچ کورونا دے181مصدقہ مریض جان دی بازی ہار چکے نیں۔