وزارت داخلہ ولوں سیاسی و مذہبی جماعتاں نوں نوٹس بدنیتی اتے مبنی اے، مولانافضل الرحمان

اسلام آباد (بیورو رپورٹ) جے یو آئی( ف) دے سربراہ مولانا فضل الرحمن نے آکھیا اے کہ وزارت داخلہ ولوں سیاسی و مذہبی جماعتاں نوں نوٹس بدنیتی اتے مبنی اے،ملیشیا فورس ر کھن تے نوٹیفیکشن کو ئی نئے الفاظ نہیں نیں۔ ایسے مراسلے صرف سیاسی دبائو لئی ہوندے نیں، ڈنڈے دی نہ کوئی رجسٹریشن ہوندی اے نہ کوئی لائسنس۔ وزارت داخلہ ولوں سیاسی ومذہبی جماعتاں نوں عسکری ونگ تے ملیشیا فورس رکھن اتے مراسلہ جاری کیتا گیا سی جہدے اتے ردعمل دیندیاں ہویاں مولانا فضل الرحمن ہوراں نے آکھیا اے کہ عسکری ونگ تے رضاکار وچ فرق ہوندا اے رضاکار انصارالاسلام دے نیں جہڑا کہ جے یو آئی ف دے دستوری ونگ دا حصہ نیں ۔ اوہناں نے مزیدآکھیا اے کہ اینج دے مراسلے جاری کرن صرف سیاسی دبائو لئی ہوندے نیں تے اینج دے دبائو اسیں قبول نہیں کردے۔ ڈنڈے دی نہ کوئی رجسٹریشن ہوندی اے نہ کوئی لائسنس۔