احتساب عدالت: رمضان شوگر ملز کیس دی سماعت 17 دسمبر تیک ملتوی
لہور (سٹی رپورٹر) لہور دی احتساب عدالت دے جج امجد نذیر چودھری نے رمضان شوگر ملز کیس دی سماعت کردیاں ہویاں پیر دے روز کیس دے دو گواہان جہناں دا تعلق نیب توں اے دے بیانات قلمبند کیتے۔ گواہان طارق مسعود تے شہباز علی خان دے بطور نیب گواہ بیانات قلمبند کرن دے بعد کیس دی آئندہ سماعت سترہ دسمبر تیک لئی ملتوی کردتی اے۔ جیل حکام نے سماعت دے موقع اتے ریفرنس دے ملزم حمزہ شہباز نوں عدالت وچ پیش کیتا۔ ایس موقع اتے عدالت دے گرد و نواح وچ سکیورٹی دے سخت حفاظتی انتظامات کیتے گئے نیں جدکہ پاکستان مسلم لیگ (ن) دے کارکناں دی وڈی تعداد پارٹی پرچم چکے لگائی گئیاں ساریاں رکاوٹاں نوں عبور کردیاں ہویاں احتساب عدالت دے بار اپڑن گے۔
