قومی کبڈی ٹیم دے کھلاڑی دے ولیمے وچ فائرنگ ،اک مہمان جاں بحق
فیصل آباد ( بیورو رپورٹ )فیصل آباد وچ پاکستان کبڈی ٹیم دے کھلاڑی ملک بنیامین دی دعوت ولیمہ وچ شرکت کرن والا مہمان فائرنگ دے دوران گولی لگن دے نال جاں بحق ہوگیا۔ایہہ واقعہ فیصل آباد دے نواحی گاؤں چک نمبر 102 رب بڈھے چک وچ پیش آیا جتھے ملک بنیا مین دے ولیمے دی تقریب ہو رہی سی جہدے وچ جشن مناندیاں ہویاں شدید فائرنگ کیتی گئی جہدی زد وچ اک نوجوان علی شدید زخمی ہوگیا ۔ علی دے ساتھی ایس نوں زخمی حالت وچ لہور لے گئے پراوہ رستے وچ ای دم توڑ گیا۔ ایس ایچ او کھڑیانوالہ محسن منیر نے آکھیا اے کہ کھڑیانوالہ پلیس لاش لین لہور جا رہی اے لاش دا پوسٹ مارٹم کروا کے مزید قانونی کارروائی کیتی جاوے گی۔ پلس دا آکھنا اے کہ کئی گھنٹے بعد سانوں ایس واقعہ دا علم ہویا اے سانوں دسیا گیا اے کہ علی اپنی ای گولی لگن دے نال جاں بحق ہویا اے۔
