آصف زرداری ڈگ پئے :سر اُتے سٹاں آئیاں

اسلام آباد ( پنجابی میڈیا گروپ)سابق صدر آصف علی زرداری دی طبیعت ٹھیک نہیں ہو رہی ۔ میگا منی لاڈرنگ کیس وچ آصف علی زرداری نے طبی بنیاداں اُتے حاضری نالاستثنی دی درخواست اسلام آباد ہائی کورٹ وچ دائر کردی۔درخواست وچ آکھیا گیا کہ طبیعت خرابی دی وجہ نال کل عدالت وچ حاضر نہیں ہو سکدے۔اسلام آباد ہائیکورٹ وچ کل سابق صدر آصف علی زرداری دی درخواست ضمانت سماعت لئی مقرر اے لیکن آصف علی زرداری نے وکیل دے ذریعے اسلام آباد ہائیکورٹ وچ حاضری توںاستثنی لئی درخواست جمع کروائی اے۔درخواست وچ آکھیا گیا اے کہ میں ضیا الدین اسپتال وچ22نومبر توںداخل آں، طبیعت خراب ہوندی وجہ نال کل عدالت حاضری نہیں ہو سکدا، درخواست دے نالآصف علی زرداری دے میڈیکل رپورٹاں وی لائیاں گیاں نیں ۔سابق صدر آصف علی زرداری نے میگا منی لانڈرنگ کیس وچ اسلام آباد ہائیکورٹ وچ درخواست ضمانت دائر کر رکھی اے، کل سابق صدر آصف علی زرداری دی درخواست ضمانت سماعت لئی مقرر اے جس دی سماعت جسٹس عامر فاروق تے جسٹس محسن اختر کیانی نے کرنی اے۔