دہشت گرداں نال نبڑن تک اے پی ایس ساڈی تریخ تے دھبہ رہوے گا: بلاول
چیئرمین پیپلزپارٹی بلاول بھٹو زرداری دا کہنا اے دہشت گرداں تے ایہناں دے سہولت کاراں نال نبڑن تک اے پی ایس سانحہ ساڈی تریخ تے اک دھبہ رہوے گا۔
آرمی پبلک سکول تے دہشت گرد حملے دی پنجویں برسی دے موقع تے اپنے پیغام وچ بلاول نے معصوم شہیداں تے اساتذہ نوں خراج عقیدت پیش کردیاں آکھیا اے پی ایس دے شہیداں دا غم ساڈے لئی ہمیشہ باعث صدمہ رہوے گا۔
اوہناں آکھیا جدوں تک ملوث قوتاں نال نبرد آزما نہیں ہوواں گے اوس ویلے تک ایہ سانحہ ساڈی تریخ وچ اک دھبہ رہوے گا، بطور قوم ساڈی ذمہ داری اے ہن اسیں بولیے دوبارہ انج نہیں ہووے گا، خصوصاً ایہناں قوتاں دے خلاف لڑائی جہناں نے دہشت گردی دی آبیاری کیتی۔پی پی پی چیئرمین آکھیا انتہا پسندی تے دہشت گردی درحقیقت امن و ترقی دے دشمن ہوندے نیں، دہشت گرداں دے سہولت کار تے سرپرست انسانیت دے مجرم نیں۔
اوہناں دا کہنا سی اے پی ایس حملے وچ مذموم مقاصد دے حصول دی خاطر انتہا پسندی تے دہشت گردی نوں بطور آلہ استعمال کیا گیا، مخصوص ایجنڈآ مسلط کرن دا مقصد پوری قوم نوں یرغمال بنا کے شہریاں نوں خوف وچ مبتلا رکھنا سی۔
