بھارتی جارحیت دا خطرہ: پاک فوج نوں ہائی الرٹ کر دتا گیا

اسلام آباد( پنجابی میڈیا گروپ) ذرائع دا کہنا اے کہ بھارت عالمی میڈیا تے اداریاں دی تنقید توں توجہ ہٹان لئی اک ہور فالس فلیگ(False Flag)آپریشن دی کوششاں وچ مصروف اے۔مصدقہ ذرائع دے مطابق مودی سرکار اندورنی تے بیرونی دبا ئو دا شکار اے، جس توں بعد بھارت اک وار فیر خطے دے امن نوں تباہ کرن لئی سرگرم ہوگیا اے، بھارت اقلیتاں دے نال ناروا سلوک، کساناں دے احتجاج، مقبوضہ کشمیر وچ ودھدے ہوئے ظلم تے ایس اُتے عالمی میڈیا تے اداریاں دی تنقید توں توجہ ہٹان لئی اک ہور فالس فلیگ (False Flag) آپریشن دیاں کوششاں وچ مصروف اے۔ذرائع دا کہنا اے کہ بھارت کسی وی وقت اپنے اندرونی مسائل اُتے توجہ ہٹان لئی پلوامہ ڈرامہ دی طرز اُتے لائن آف کنٹرول تے ورکنگ بانڈری اُتے کسی ایکشن دی تیاری وچ مصروف اے، جس دے بعد مسلح افواج نوں ہائی الرٹ کر دتا گیا اے۔