8 سیکنڈ لئی قرنطینہ توں باہرآنے اُتے3500ڈالر جرمانہ
تائیوان( پنجابی میڈیا گروپ) تائیوان وچ کورونا وائرس دے کئی مریضاں نوں قرنطینہ وچ اک مزدور صرف8سیکنڈ لئی باہر نکلیا تے اوس نوں3500ڈالر دا جرمانہ لا دتا گیا۔ ایس دا انکشاف سی سی ٹی وی فوٹیج توں ہویا جس وچ لال رنگ دے کپڑے پائے ہوئے اک فلپائنی مزدور نوں ویکھا جاسکدا اے جو صرف چند سیکنڈ لئی اپنے کمرے توں باہر آندا اے تیگارڈ اوس دے ساہمنے آجاندا اے۔ ایس ہوٹل وچ قرنطینہ دے کئی مریضاں نوں وی رکھیا گیا اے۔ جس طرح ہی مزدور تھوڑی دیرلئی ہوٹل توں باہر نکلیا اوہ سی سی ٹی وی فوٹیج وچ ویآگیا تے نال ہی نگراں نے وی اوس نوں ویکھ لیا جس دے بعد اوہ پُٹھے پیری اپنے کمرے ول طرف جاندیاں ویکھا جاسکدااے۔
