پنچ منٹ وچ کورونادا ٹیسٹ دا طریقہ آگیا

الینوائے( پنجابی میڈیا گروپ) ہن تک کورونا دی شناخت لئی کئی ٹیسٹ طریقے ساہمنے آئے نیں جو ایس مرض دی روک تھام دا سب توںاہم ذریعہ وی نیں۔ ایس ضمن وچ کاغذ نال اک کٹ بنائی گئی اے جو صرف پنچ منٹ وچکورونا وائرس دی شناخت کرسکدی اے۔یونیورسٹی آف الینوائے وچ گرینگر کالج دے عرب نژاد ماہا العفیف تے اوس دے ہانیاں نال مل کے اککاغذی الیکٹروکیمیکل ٹیسٹ بنایا اے جو انتہائی حساس اے۔ ایہ ٹیسٹ صرف چند منٹاں وچ کووڈ19دی وجہ بنن والے کورونا وائرس دا سراغ لگالیندا اے۔ ایس اہم ایجاد دی تفصیل تحقیقی مجلے اے سی ایس نینو دے تازہ شمارے وچ آن لائن شائع ہوئی اے۔ایس وقت کورونا وائرس دے دو اہم ٹیسٹ دستیاب نیں جس وچ اک ریوس ٹرانسکرپٹیس ریئل ٹائم پولیمریز چین ری ایکشن(آر ٹی پی سی آر)اے جدکہ دوجا ٹیسٹ اینٹی باڈیز دی بنیاد اُتے اے۔ اوہناں دوناں دے اپنے فائدے تے خامیاں وی نیں مثلا پہلے ٹیسٹ وچ بہت وقت لگدا اے تے دُجے ٹیسٹ وچ مرض پرانا ہوئے تے اینٹی باڈیز پیدا ہندی اے ۔