پی ڈی ایم دی گڈی دا سٹیئرنگ کسی دے کول ،انجن کسی ہور دے کنٹرول وچ اے :فوادچودھری

اسلام آباد(پنجابی میڈیا گروپ)فواد چودھری نے آکھیا اے کہ پی ڈی ایم دی گڈی دا سٹیئرنگ کسی دے کول ،انجن کسی ہور دے کنٹرول وچ اے ۔بریک کسی ہور دے پیر دے ہیٹاں اے۔ وفاقی وزیر فواد چودھری نے سماجی رابطے دی ویب سائٹ اتے ٹویٹ کردیاں ہویاں آکھیا اے کہ لندن توں گیئر لگان والیاں دی ہینڈ بریک کراچی والے کھنچ دیندے نیں۔ ایس گڈی داحادثے توں دوچار ہونا یقینی اے۔ وفاقی وزیر فواد چوہدری نے مزیدآکھیا اے کہ سائنس اینڈ ٹیکنالوجی وچ پاکستان جنوبی ایشیا وچ سبھ توں گٹھ خرچ کر رہیا اے۔ وفاقی وزیر سائنس و ٹیکنالوجی فواد چوہدری نے نجی ٹی وی دے پروگرام دے نال گل بات کردیاں ہویاں آکھیا اے کہ سرکار دا جلنا فوکس سائنس اینڈ ٹیکنالوجی اتے ہونا چاہید اے اوہ نہیں اے۔ اوہناں نے آکھیا اے کہ الیکٹرک گڈیاں دی چارجنگ دا کوئی ایشو نہیں اے۔ پاکستان وچ جگہ جگہ گڈیاں دے الیکٹرک چارجنگ سنٹر ہون گے۔ فوادچودھری نے آکھیا اے کہ پاکستان وچ موٹرویز چارجنگ دا نیٹ ورک ہووے گا۔