صحت لئی سہولتاں نوں بہتر بناواں گے: صدر مملکت
اسلام آباد(پنجابی میڈیا گروپ)صدر مملکت ڈاکٹر عارف علوی نے آکھیا کہ حکومت ملک بھر وچ صحت دیاں سہولتاں نوں بہتر بنان لئی پرعزم اے۔اوہ اج ویڈیو لنک دے ذریعے پاکستان وچ دوران زچگی خواتین دی شرح اموات دے جائزہ دے موضوع اُتے قومی ویبی نار وچ اظہار خیال کر رہے سن۔ صدر نے آکھیا کہ وزیراعظم عمران خان نوں ایس چیز دا انتہائی احساس اے کہ صحت دیاں سہولتاں ہر کسی نوںملنیاں چاہیدیاں نیں ۔ڈاکٹر عارف علوی نے آکھیاکہ جیس طرحآبادی دا حجم ودھ رہیا اے، ساہنوںخواتین دی صحت بہتر بنادیاں ہوئیاں خواتین دی شرح اموات نوں گھٹکرنا چاہیدا تے نہ صرف ماں بلکہ بالاں لئی وی چنگی غذا نوں یقینی بنانا چاہیدا اے۔
