وزیراعظم ولوں اپوزیشن دے جلسے کجھ مہینیاں لئی ملتوی کرن دی اپیل

اسلام آباد( پنجابی میڈیا گروپ) وزیراعظم عمران خان دا آکھنا سی کہ جلساں نال مینوں کوئی فرق نہیں پئے گا لیکن ایس نال لوکاں دیاں جاناں نوں خطرہ اے۔ وزیراعظم عمران خان نے قوم نال اپیل کیتی اے کہ اوہ احتیاط کرن تے کورونا ایس اوپیز اُتے عمل کرن، اسی پہلی لہر وچ اپنے لوکاں نوںلاک ڈان توں بچایا، پہلی لہروچ قوم نے ایس او پیزاُتے عمل کیتا لیکن دوُجی لہروچ باقی دنیا لئی وی ایس اوپیز اُتے عمل درآمد مشکل ہوگیا اے، کورونا کیس ودھن نال ساڈے اسپتالاں، ہیلتھ ورکراں اُتے پریشر پئے گا۔وزیراعطم عمران خان نے آکھیا کہ اپوزیشن دے جلسیاں توں مینوں کوئی پریشرنہیں پئے گا، اوہ صرف لوکاں دیاں جاناں نوں خطرے وچ پا رہے نیں، اپوزیشن نال اپیل کردا واں کہ دو تین مہنیاں بعد جلسے کرلین کیوں کہ جلسیاں وچ کورونا پھیلن دا خدشہ ودھ رہیا اے، ملتان وچ پی ڈی ایم جلسے دے بعد کورونا وارڈ دے 64فیصد بیڈ بھرچکے نیں۔