اپوزیشن پریشان اے کہ عوام کتھوں لیائیے: شہباز گل

اسلام آباد( پنجابی میڈیا گروپ)معاون خصوصی ڈاکٹر شہباز گل آکھیا اے اپوزیشن اجازت ملن تے پریشان اے کہ جلسے وچ عوام کتھوں لیان گے، عمران خان کرپٹ اپوزیشن دے اعصاب تے سوار اے۔ شہباز گل نے مریم اورنگزیب دے بیان تے ردعمل دیندیاں آکھیا اے جلسہ کرو واویلا تے بہانے نہیں، اجازت ملن تے پریشان آں کہ جلسے وچ عوام کتھوں لیان گے۔ اوچھے ہتھکنڈیاں نال سرکار دا گھبرا جان دا خواب، درباریاں دا دل بہلان لئی خیال چنگا اے۔ اوہناں آکھیا 11جماعتاں رل کے وی کجھ نہیں کر رہیاں تے کہندے نیں جلسے کامیاب نیں، ایہناں دی اجہی بھونڈی کوششاں توں ثابت ہویا کہ کرپٹ ٹولے دی سیاسی موت واقع ہو چکی اے۔ کرائے دے لوکاں دی ریلیاں نال سرکار نوں کوئی فرق نہیں پین والا، عمران خان کرپٹ اپوزیشن دے اعصاب تے سوار اے۔