پاکستان طبی کانفرنس گوجرانوالہ ڈویژن تے ضلع گجرات دے زیراہتمام گجرات وچ فری طبی کیمپ

رپورٹ:  پروفیسر حکیم سید عمران فیاض

راہ خدمت خلق میں رھتا ھے وہی گامزن
پائی جاتی ھو جس کسی میں ذوق مسیحائی
انسانیت دی خدمت وچ عظمت ہوندی اے تے دین اسلام سانوں غریب نادار تے مستحق لوکاں دی مدد کرن دا درس دیندا اے۔
مسلم شریف دی روایت اے:
ــــ’’مخلوق اللہ دا کنبہ اے تے اوہ بندا اللہ نوں زیادہ محبوب اے جیہڑا ایس دے کنبے لئی زیادہ مفید ہوئے۔‘‘
سبحان اللہ ایس رب نوں اپنے بندیاں نال ایس قدر محبت اے کہ اوہ ایہناں نوں اپنا کنبہ قرار دیندا اے حالاں کے اوہ سبوح تے قدوس ذات اے، ایہنوں کسے کنبے دی لوڑ تے احتیاج ہرگز نہیں۔ انسانیت دی خدمت دے بوہت سارے طریقے نیں۔ بیوائوں تے یتیماں دی مدد، مسافراں، محتاجاں تے فقرا تے مساکین نال ہمدردی، بیماراں، معذوراں، اپنے رشتہ داراں، دوستاں نال تعاون ایہہ سب خدمت خلق دے کم نیں۔

صحیح الجامع وچ رسولﷺنے فرما یا :
٭ لوکاں وچوں اللہ دے کول سب توں پسندیدہ اوہ نیں جہڑے انساناں لئی زیادہ نفع بخش ہون۔
٭ اعمال وچوں اللہ دے کول سب توں پسندیدہ اوہ نیں جنہاں توں مسلماناں نوں خوشیاں ملیاں، یا ایہناں نال تکلیف دور ہوئے، یا ایہناںتوں قرض دی ادائیگی ہوئے یا ایہناں توں بھُکاں دی بھُکھ دور ہوئے۔
٭ میرے نیڑے کسے مسلمان بھائی دی لوڑ پوری کرن دی سعی اک مہینے مسجد وچ اعتکاف بیٹھن توں زیادہ پسندیدہ اے تے جس نے غصہ بُجھایا اللہ تعالیٰ نے ایس دی پردہ پوشی کر لئی تے جس نے غصہ پی لیا جے ایس نے چاہیا کہ اللہ تعالیٰ ایس دی مشکلاں دور کر دیوے تے اللہ تعالیٰ ایس دیاں مشکلاں دور کر دیوے گا۔ اللہ تعالی ایس دا دل اینا بھر دیوے گا کہ اوہ قیامت دے دن راضی ہو جائے گا۔
ایس حدیث وچ کسے ضرورت مند انسان دی حاجت نوں پورا کرن اُتے کنہے ای انعامات دا ذکر کیتا گیا اے۔
گجرات شہر وچ دواخانہ حکیم اجمل خان تے مسیح الملک حکیم محمد اجمل خان دی یادگار طبی تنظیم پاکستان طبی کانفرنس دے اشتراک نال تے جنرل سیکرٹری پاکستان طبی کانفرنس سالار طب حکیم محمد احمد سلیمی دی خصوصی ہدایت اُتے عظیم الشان فری طبی کیمپ دا انعقاد کیتا گیا جس وچ سینئر اطبا اکرام نے مریضاں دا مفت چیک اپ کیتا تے مریضاں نوں ساریاں دوائیاں دواخانہ حکیم اجمل خان نے مریضاں وچ مفت ونڈیاں۔ ایس مفت طبی کیمپ وچ سینکڑاں دی تعداد وچ مریضاں نے استفادہ کیتا۔

جنہاںاطباء کرام نے ایس کیمپ وچ رضاکارانہ خدمات انجام دتیاں ایہناں وچ گوجرانوالہ توں حکیم قیصر نوید گھمن ۔ حکیم ضیاء اللہ فتح گڑھی ۔ حکیم محمد اظہر مجددی ۔ حکیم زاہد حسن ہاشمی ۔ حکیم صابر علی شاہ ۔ حکیم عرفان منور حکیم سعید بھٹی ۔ حکیم غلام شبر ۔ حکیم دھول ۔ حکیم محمد افضال خاموش ۔ حکیم محمد طاہر ۔ حکیم ناصر محمود ۔ حکیم مہر احتشام طارق ۔ حکیم غلام مرتضی ۔ حکیم سید زاہد کاظمی ۔ حکیم شبیر بھٹی ۔ حکیم محمد شہباز چشتی ۔ حکیم محمد اکرام بھٹہ ۔ حکیم شوکت علی ۔ حکیم وحید اختر ثنائی ۔ حکیم سید عبدالحمید تے محترمہ طبیبہ رخسانہ نعیم قابل ذکر نیں۔ اختتامی تقریب وچ اک قرار داد دے ذریعے خاندان مسیح املک خاص طور تے حکیم محمد اجمل خان ثانی تے سیلز منیجر محمد سلیم خاں دا شکریہ ادا کیتا گیا۔
کیمپ دی نگرانی دی ذمے داری گوجرانوالہ ڈویژن دے رہنما حکیم قیصر نوید گھمن نوں تفویض کیتی گئی سی۔ ایس مفت طبی کیمپ دے انعقاد اُتے پاکستان طبی کانفرنس پنجاب دے رابطہ سیکرٹری پروفیسر حکیم سید عمران فیاض نے ایس طبی کیمپ دے انعقاد اُتے کیمپ دی انتظامیہ نوں دلی مبارکباد پیش کیتی۔ ایس موقعے اُتے حکیم ضیاء اللہ ۔ حکیم عبد الرؤف اعوان ۔ حکیم عبد العظیم اثری ۔ حکیم سید افتخار حسین شاہ ۔ حکیم مہر احتشام طارق ۔ حکیم عرفان منور ۔ حکیم عبد الرؤف اعوان نے کیمپ دی نگرانی کیتی جد کہ معززین علاقہ دی کثیر تعداد نے کیمپ وچ شرکت کیتی تے انتظامیہ نوں کیمپ دے انعقاد اُتے خراج تحسین پیش کیتا۔