نو یں پاکستان وچ کرپشن دے ناسوراں لئی کوئی جگہ نہیں:فوادچودھری

اسلام آباد(پنجابی میڈیا گروپ)وفاقی وزیر سائنس اینڈ ٹیکنالوجی فواد چودھر ی نے آکھیا اے کہ عوام دے مفاد وچ احتجاجی سیاست نوں ملتوی ہونا چاہیدا اے۔ مذاکرات لئی سرکار تے اپوزیشن لئی محترم شخصیات نوں اگے آنا چاہیدا اے۔تفصیلات دے مطابق وفاقی وزیر سائنس اینڈ ٹیکنالوجی فواد چودھری نے سماجی رابطے دی ویب سائٹ اتے ٹویٹ کردیاں ہویاں آکھیا اے کہ مذاکرات لئی سرکار تے اپوزیشن لئی محترم شخصیات نوں اگے آنا چاہیدا اے۔انج دی شخصیات مذاکرا ت دا ماحول چنگا بنان وچ کردار ادا کرن ۔ موجودہ صورتحال وچ تلخیاں گٹھ کرن۔ ایہہ ملک لئی بوہت ضروری اے۔ پی ڈی ایم دے سٹیج اتے اکٹھے ایہہ کرپشن دے بت پاکستان دی تباہی دے ذمہ دار نیں۔ فوادچودھر ی ہوراں نے مزیدآکھیا اے کہ قوم جان چکی اے کرپشن تہاڈا ایمان تے بلیک میلنگ تہاڈے ہتھیار نیں۔ جتنے مرضی جنت کرلوو ڈرامے بازیاں دے نال کم نہیں چلن والا۔ طے ہو چکیا کے نئے پاکستان وچ کرپشن دے ناسوراں لئی کوئی جگہ نہیں۔