پی ڈی ایم دا جذبہ دن بدن ودھ رہیا اے: شاہد خاقان عباسی
لہور(پنجابی میڈیا گروپ) پچھلے وزیراعظم پاکستان تے سینئر رہنما مسلم لیگ ن شاہد خاقان عباسی نے آکھیا اے کہ پی ڈی ایم دی عوامی تحریک دا جذبہ ہردیہاڑے ودھ رہیا اے۔اوہناں نے آکھیا اے کہ مسلم لیگ ن دی نائب صدر مریم نوازہوراں نے ملک دے طول وعرض وچ پارٹی نوں نئی شناخت دتی۔ مینار پاکستان وچ لوکائی دا جذبہ ویکھن دے قابل سی۔ لہوریاں نے جلسے دی لاج رکھ لئی اے۔ اوہناں نے مزیدآکھیا اے کہ جعلی سرکار دے خلاف قومی تحریک دی قوت وی مسلسل ودھ رہی اے۔پچھلے وزیراعظم شاہد خاقان عباسی نے آکھیا کہ پی ڈی ایم دی کامیابی وچ ن لیگ دا بھرپور کردار قابل تعریف تے تاریخی اے۔ پی ڈی ایم دی عوامی تحریک دے نتیجے وچ لانگ مارچ کامیاب ہووے گا۔
