کیہ ایران و اسرائیل وچ طبل جنگ وج گیا ؟

سید صفدر رضا

محافظ عیون الجواء وچ ہون والی امریکہ اسرائیل تے سعودی عرب دی بیٹھک جس وچ نیتنیاہو ، ایمبیئس تے پومپیو شریک سن تے ایران نوں سبق سکھان دا فیصلہ کیتا جا رہیا سی جس وچ اتفاق رائے ہو گیا سی تے ایران اُتے حملہ کرن دا مصم ارادہ کر لیا گیا پر کوئی نہیں جان دا سی کہ ایس میٹنگ دے فوراً بعد اینا وڈا قدم چکیا جا سکدا اے کہ ایران دے انتہائی لائق تے اہم فرزند محسن فخر زادہ نوں تہران توں کجھ فاصلے اُتے ای جیہڑا کہ ایرانی جوہری توانائی دے روح رواں سن تے ایس اُتے مہارت نال اپنے فرائض سرانجام دے رہے سن جنہاں دا اپنی قوم نال وعدہ سی کہ اوہ قوم نوں انج دے بم دا تحفہ دین گے جس نال ملک دا دفاع مضبوط تر ہو جائے گا ایسے فرزند ایران نوں گولیاں مار کے قتل کر دتا گیا تے قاتل قتل کر کے غائب ہون وچ کامیاب ہو گئے۔جس نوں ایران نے اسرائیل دی گھنائونی حرکت قرار دتا تے اسرائیل توں بدلہ لین دا اعلان کیتا کیوں  جے ایران نے ایس اقدام نوں اپنے خلاف جنگ دا تسلسل قرار دتا جدوں ایسے سال سلیمان قاسمی نوں ڈرون حملے وچ شہید کیتا گیا سی جس دا جواب امریکہ نوں عراق وچ تنصیبات دا نشانہ بنا کر دتا گیا سی جس دا جواب امریکہ نوں عراق وچ تنصیبات نوں نشانہ بنا کے دتا گیا سی تے محسن فخر زادہ دے قتل نوں دوجا وڈا ایران دا نقصان سمجھیا جا رہیا اے تے ایس پلاننگ وچ شعودیہ دے شامل ہون دی ذمے داری وی عائد کیتی جا رہی اے جس وجہ نال محمد بن سلیمان نے گھبراہٹ دا اظہار کردے ہوئے برطانیہ تے امریکہ بہادر توں مدد وی منگ لئی اے برطانیہ نوں تیل دی تنصیبات دی ذمے داری سونپی اے تے زمینی سرحداں دی حفاظت اُتے معمور کیتا گیا اے تے امریکہ نے ایٹمی ہتھیاراں والا بحری بیڑہ خلیج فارس وچ اپڑا کے جتھے شاہ محمد بن سلیمان نوں تسلی کرائی اے اوتھے ایران نوں ایہہ عندیہ وی دتا اے کہ ایس نے جنگ کیتی تے امریکہ نوں وی مدمقابل پائے گا تے انج فضائی تحفظ دی ذمے داری وی امریکہ بہادر ای کرے گا جس دا پس پردہ مقصد امت مسلمان نوں لڑوانا تے کمزور کرنا اے پر ایران توں سھ کجھ ممکن اے پر حجاز نوں بیت اللہ یعنی خانہ کعبہ نوں نقصان اپڑان دا سوچ وی نہیں سکدا اوہ ایہناں دے لئی وی اینا ای محترم و مقدس اے جنہا کسے وی مسلمان لئی ہو سکدا ۔ ایران دے بدلے دے اعلان اُتے اسرائیل دے صدر نے اپنے شہریاں تے سفراء نوں محفوظ رہن تے اکھاں کھلیاں رکھن نوں کہیا اے کہ کیوں جے اسرائیلی صدر نے دو ورھے پہلاں اعلان کیتا سی کہ محسن فخرزادہ دا ناں سنن نوں ملے گا تے اج ایہہ ناں زبان زد عام اے ایہو وجہ اے کہ اسرائیلی ایجنسی موساد دے اہم کمانڈر فہمی ہناوی دا تل ابیب وچ ٹریفک سگنل اُتے قتل ہونا 15 گولیاں دا لگنا تے قاتلاں دا غائب ہو جانا ایرانی جوابی وار سمجھیا جا رہیا اے جد کہ اسرائیلی تے امریکی میڈیا ایس بارے وچ چپ اے۔
سوشل میڈیا اُتے چلن والے کلپس دا انکار وی نہیں کیتا جا رہیا امریکی ٹرمپ حکومت ختم ہون توں پہلاں ایران نوں جنگ وچ دھکیل کے مسلماناں نوں اک دوجے نال لڑن اُتے اکسا رہی اے کیوں جے جوبائیڈن دی حکومت وچ ایران اُتے جوہری توانائی دے حصول لئی پابندیاں نہ ہون گیاں باراک اوباما والی پالیسی دے جاری رکھن دا قوی امکان اے ایس سارے معاملے وچ سعودی عرب وچ موجود پاک فوج دا کردار خانہ کعبہ تے شہر دی حفاظت اُتے مبنی اے اوہ پہلے ای معاہدے وچ طے کر چکی اے کہ اوہ کسے برادر اسلامی ملک نال جنگ وچ حصہ دار نہ ہوئے گی بلکہ ایس دا مشن تے واحد مقصد اللہ دے گھر دی حفاظت کرنا اے تے اونج وی اسیں پرائی جنگ دے لڑن دے حق وچ نہیں۔ مشرق وسطیٰ وچ پیدا ہون والے حالات دی وجہ نال جنگ دے بدل منڈلان لگے نیں اللہ تعالیٰ اپنا کرم فرمائے۔
مسلماناں نوں متحد ہون دی جنہی لوڑ اج اےشاید پہلے کدی نہیں سی کیوں جے ساڈا اللہ اک قبلہ اک کلمہ اک قرآن اک اے نکے موٹے جھگڑے ختم کر کے اک ہویا جا سکدا اے کیوں جے یہودی تے نصاریٰ ساڈے دوست نہیں ہو سکدے۔ جنہاں عرب مکاں نے اسرائیل نوں تسلیم کر کے اسرائیل نوں فضائی حدود دے استعمال دی اجازت دتی اے تے جنہاں نے اسرائیلی لوکاں نوں ویزے دتے نیں ایہناں نوں یاد ہونا چاہیدا اے کہ کلام اللہ دے مطابق یہودی کدی ساڈے دوست نہیں ہو سکدے مینوں تے ایہو دہرانا اے جو شاید اج لئی ای کہیا گیا اے۔
نہ سمجھو گے تو مٹ جاؤ گے اے مسلمانوں