مینار پاکستان جلسے تے مریم نواز تے پی ڈی ایم قیادت اُتے مقدمہ

لہور( پنجابی میڈیا گروپ) مینار پاکستان جلسے اُتے مریم نواز سمیت اپوزیشن جماعتاں دے اتحاد پاکستان ڈیموکریٹک موومنٹ(پی ڈی ایم)دی مرکزی قیادت اُتے مقدمہ درج کرلیتا گیا۔مقدمہ سیکیورٹی آفسراں پی ایچ اے دی مدعیت وچتھانہ لاری اڈا وچ درج کرایاگیا جس وچ کورونا ایس او پیز دیخلاف ورزی ، سانڈ سسٹم ایکٹ سمیت 15دفعہ شامل کیتاں گیاں نیں جدکہ خاکی شلوار قمیض وچ ملبوس ڈنڈا فورس دا وی ذکر کیتا گیا اے۔مقدمے وچ مریم نواز، خواجہ سعد رفیق ، احسن اقبال ، شاہد خاقان، شیخ روحیل اصغر، سمیع اللہ خان،افضل کھوکھر ، سیف الملوک، خواجہ آصف، طلال چوہدری، رانا تنویر حسین، ایاز صادق، سعد رفیق، رانا ثنااللہ ، ملک پرویز، ملک ریاض، بلال یاسین، رانا مشہود، وحید عالم، مریم اورنگزیب، عظمی بخاری، شائستہ پرویز ، عطا تارڑ، مخدوم جاوید ہاشمی نوں نامزد کیتا گیا اے۔ایف آئی آر دے متن دے مطابق ملک وسیم کھوکھر125افراد دے نال مزاحمت کرکے پارک وچ داخل ہوئے، جلسے وچ رلت کر کے قومی ورثے دی حرمت نوں ناقابل تلافی نقصان پہنچایا۔مقدمے وچ آکھیا گیا کہ جلسے دی انتظامیہ نے مینار پاکستان دے فرش نوں توڑیا، بینچاں نوںتوڑ کے لکڑیاں نوں آگ لگائی، پودوں، فوارے تیگملیاں نوں توڑ کے سرکاری املاک نوں لکھاں روپے دا نقصان پہنچایا جدکہ قومی ورثے دی حرمت نوں وی پامال کیتا تے رہنماں نے جلسے نوں شرکا نوں انتظامیہ دے خلاف اُکسایا تے سیکیورٹی گارڈز دے ساتھ مزاحمت وی کیتی۔