جاپان ولوں کورونا لئی پاکستان نوں1.54ارب روپے دی مدد کرن دا اعلان

اسلام آباد( پنجابی میڈیا گروپ) جاپان کورونا لئی پاکستان نوں1.54بلین روپے دی امداد دیئے گا۔وزارتِ اقتصادی امور دے اعلامیے دے مطابق جاپان تے پاکستان دے درمیان گرانٹ ایڈ معاہدہ ہوگیا جس دے تحت جاپان انسداد کورونا لئی پاکستان نوں1.54بلین گرانٹ فراہم کریگا۔معاہدے دے تحت طبی شعبے توں متعلقہ سامان بالخصوص وینٹی لیٹرز تے آکسیجن سیلنڈر دی خریداری وچ مدد ملے گی۔ معاہدے اُتے دستخط دی تقریب وزارت اقتصادی امور وچ منعقد ہوئی جس وچ جاپانی سفیر تے سیکرٹری اقتصادی امور نے رلت کیتی۔سیکرٹری اقتصادی امور نور احمد نے دسیا کہ جاپان نال پمز تے حیدرآباد ہاسپٹل وچ سہولتاں نوں بہتر بنان لئی وی مدد ملی، انسدادِ کورونا لئی مدد تے تعاون لئی جاپان دے شکر گزارآں، جاپان ولوں پولیو دی روک تھام لئی وی مدد قابلِ ستائش اے۔