پاک چین اقتصادی راہداری منصوبے اُتے تیز رفتاری نال کم جاری اے، عاصم سلیم باجوہ

اسلام آباد(پنجابی میڈیا گروپ)چیئرمین سی پیک اتھارٹی لیفٹیننٹ جنرل ریٹائرڈ عاصم سلیم باجوہ نے آکھیا اے کہ پاک چین اقتصادی راہداری منصوبے اُتے برق رفتاری نال کم جاری اے۔اوہناں نے آکھیا کہ اک خطہ اک سڑک دا منصوبہ علاقائی رابطیاں وچ بہتری تے غربت وچ کمی دا سبب بنے گا۔ اوہناں نے آکھیاکہ کورونا وائرس دی بیماری دی وجہ نال ہزاراں افراد ہورغربت دا شکار ہوئے نیں، بیماری دی وجہ نال پوری دنیا دی معاشی گتھیاں اُلجھ کے رہ گیاں۔ عاصم سلیم باجوہ نے آکھیا کہ بیماری دے دوران چین واحد ملک اے جس دی معاشی کارکردگی بہتر اے۔لیفٹیننٹ جنرل ریٹائرڈ عاصم سلیم باجوہ نے آکھیا کہ چین کورونا وائرس دی بیماری توں پہلاں ای دنیا دے نال خوشحالی ونڈن دی سوچ لے کے چل رہیا اے۔ اوہناں نے آکھیا کہ سی پیک اُتے تیز رفتاری نال کم جاری اے، اک خطہ اک سڑک دا منصوبہ علاقائی رابطیاں وچ بہتری تے غربت وچ کمی دا سبب بنے گا۔