مولانا شیرانی دے پارٹی قیادت تے الزامات، جے یو آئی نے اجلاس سد لیا

اسلام آباد: جمعیت علمائے اسلام دے سینئر رہنما تے سابق چیئرمین اسلامی نظریاتی کونسل مولانا شیرانی ولوں جے یو آئی (ف) دی اعلیٰ قیادت تے الزامات دے معاملے تے اعلیٰ سطح دا پارٹی اجلاس اسلام آباد وچ طلب کر لیا گیا۔ ذرائع دے مطابق جے یو آئی (ف) نے اعلیٰ سطح دا اجلاس 24دسمبر نوں اسلام آباد وچ طلب کیتا اے، پارٹی مولانا شیرانی دے بیان دے معاملے دی اعلیٰ سطحی تحقیقات وی کرے گی۔ ذرائع نے دسیا اے جے یو آئی (ف) نال مولانا شیرانی دی ناراضگی اچانک ساہمنے آئی اے جد کہ مولانا شیرانی نے مولانا فضل الرحمان دے امیر دے چناؤ دے ویلے وی کوئی اعتراض نہیں کیتا سی۔ مولانا شیرانی نے جے یو آئی (ف) دے بلوچستان دے صوبائی امیر لئی الیکشن وی لڑیا سی۔