ڈاکٹر ترنجیت سنگھ بوتالیہ ہوراں دی پنجابی تے انگریزی وچ چھپی کتاب دی مُکھ وکھالی
سا بق چیف جسٹس آف پاکستان جواد ایس خواجہ ہوراں سمیت ماں بو لی دے مہا ن سیوکاں رَلت کیتی
رپو رٹ:عالیہ خان
پنجابی یونین دے پر بند ہیٹھ سردار ترنجیت سنگھ بوتالیہ ہورا ں دی دو زباناں (پنجابی تے انگریزی)وچ چھپی کتا بـ’’میرا گھر دا سفر لہندے پنجاب واپسی ‘‘ تے ’’ My Journey Home, Going Back to Lehnda Punjab‘‘دامکھ وکھا لی اکٹھ ہو یا جیہدے وچ ما ں بو لی دے مہا ن سیوکاںبھرویں رلت کیتی۔ اکٹھ دی صدارت سا بق چیف جسٹس آف پاکستان جواد ایس خواجہ ہو را ں کیتی۔
ڈا کٹر ترنجیت سنگھ بوتالیہ ہو را ں دے ایس سفر نا مے اُتے گل بات کردیا ں آگواں آکھیا کہ اپنے گھر وَل پرت کے آ ن دے تجربے نو ں لکھن والے نے اپنی سُچی محبت نو ں اکھرا ں دا روپ دے کے اپنا دل کڈ کے ورکیا ں اُتے سجا دتا اے۔ ایس موقع تے ڈی جی پلاک ڈاکٹرصغریٰ صدف ہو را ں آکھیا کہ جس طر ح ایہہ لکھیا گیا مینو ں نہیں لگدا کہ قلم نال اے گلاں لکھیا ں گئیاں نیں ،ایہہ گلا ں تے رو ح نال تے دل نال لکھیا ں گئیاں نیںایہناں گلا ں نے میرے وی دل تے رو ح اُتے اثر کیتا اے۔ایس موقع اُتے پرو فیسر ڈاکٹر کلیان سنگھ کلیان ہوراں آ کھیا کہ میں تے ایہی آکھا ں گا کہ ہن تہا ڈی گھر ول واپسی ہو گئی اے تے ہن تسی بہہ جائوایتھے آ کے کجھ ایتھے دے لوکا ں دی وی دعاواں کجھ اسیساں تے پیا رنوں سانجھا کر کے جا ئو ،بوتالیہ فیملی نے گوجرا نوالہ واسطے بہت کجھ کیتا ہو یا اے۔چیئرمین پنجابی پر چا ر احمد رضا وٹو ہو را ں ایس کتاب دے با رے آ کھیا کہ میں سمجھنا واں کہ بوتالیہ ہو را ں نو ں اک کتاب لکھ کے بس نیںکر نی چا ئیدی ،اسیں اینا دی جرات نو ں سلا م پیش کر دے آ ں اوہناں جو کجھ لکھیا اے آون والے ویلیاں واسطے تے ہو ر لوکا ں واسطے ایہہ ایک رستہ بنا وے گا ۔جیہڑیاں اسیں آپسی نفرتا ں کھڑیاں کیتیا ں ہو یا ں نے تے ریاستا ں نے جو کجھ کرنا سی او کر لیا اے میں اوہنا ں نو ں ایہی آ کھا ں گا کہ ہن تھوڑی جئی ایتھو ں دے لو کا ں لئی نرمی پیدا کر لین ۔سر کڈھویں شاعر با با نجمی ہو را ں آکھیا کے ایس کتا ب دے وچ سب تو ں وڈی گل اے کہ ایہناں نے اپنے خاندان جیہڑا پاکستان وچ گجرانوالہ وچ رہندا سی اوہنا ں دی تا ریخ اکٹھی کر کے ساڈے پنجاب نو ں دے دتی اے کہ اسیں اے سا ں تے تسی اے سو ایس کتا ب نا ل سا ڈی محبت پیدا ہو ے گی ۔
تر نجیت سنگھ بوتالیہ ہو راںدی لکھت اُتے گل کردیا ں جِتھے بوتالیہ فیملی دا ما ضی زیر بحث آ یا اوتھے ای لکھا ری دی اپنی مٹی نال محبت دا جذبہ وی تبصریاں دا حصہ بنیا۔ایس موقع اُتے پرو فیسر ڈا کٹر اقبال چا ولہ ہو را ں آ کھیا کہ ایہہ کتا ب پڑھ کے گجرانوالہ دی محبت ویکھ کے تسی گجرانوالہ وچ پیدا ہو ئے تہاڈی اے محبت تے فخر ویکھ کے اسی وی فخر محسوس کر رہے آں۔ شا عر تے لکھا رے اقبال قیصر ہو راں آ کھیا ں کہ جس طر ح ایہہ ایتھے آ ئے تے ایہناں اپنے پُرکھاں نو ں لبھیا میں اوس ویلے بہت ہی زیا دہ جذبا تی ہو یا کہ آ یا ایس طر ح ویں چیزا ں لبھدیا ں نیں ایہہ جیہڑیا ں نکیا ں نکیا ں چیزا ں نیں لیکن ایہناں دے پچھے اپنی زمین نا لو ں وچھڑن دا درد دکھ اے او اسیں محسوس کر سکدے آ ں میں بس ایہی آکھاں گا ایہو جہیاں کتابا ں نو ں مذہب دے نا ل نہ رلایا جا وے ۔
ایس مو قع اُتے ایس کتا ب دا پنجابی ترجمہ کرن والے ڈا کٹر مظہر عباس تے پروفیسر خضر جواد ہو را ں آکھیا کے ایہناں دی کتا ب وچ اینی گہرا ئی سی کہ اسیں جیویں جیویں پڑھدے گئے اسیں اوہدے وچ کُھبدے گئے اسیں ایہہ چیز محسوس کیتی کہ جیویں ایہہ چیز سا ڈے نا ل یا ساڈی فیملی نا ل بیت رہی ہو وے سا نو بڑی خو شی ہو ئی اے کہ اسیں ایہنا ں دی کتا ب دا ترجمہ کیتا۔
صاحب صدر جسٹس ریٹائرڈ جواد ایس خواجہ ہوراں کتاب اُتے روشنی پائوندیاں آکھیا کہ ساہنوں محبتاں ونڈنیاں چاہیدیاں نیں تے ترنجیت سنگھ بوتالیہ ہوراں ایہ کتاب لکھ کے ساہنوں محبتاں وَنڈن دا موقع دِتا۔ اوہنا دی بیوی بینہ جواد ہوراں اپنی سوہنی آواز صوفی شاعر شاہ حسینؒ دا کلام سُنا کے سما بندھ دِتا۔
ڈا کٹر ترنجیت سنگھ بوتالیہ ہورا ں آکھیا کہ ’’میرا گھر دا سفر، لہندے پنجاب واپسی‘‘ میری زندگی دی سب توں قیمتی تے انملی دولت اے جیہدے وچ پاکستانی بھراواں دیاںمحبتا ں وی شامل نیں۔اوہناں دسیا کہ ایس کتاب وچ 3 اہم کردار نیں، اک میں ، اک میرا دوست جہانداد خان جس دے وَڈکیاں میرے وَڈکیاں نال کئی جنگا ں لڑیاں پر اج میں تے اوہ چنگے بیلی آں، تریجا کردار او مور اے جیہڑا میرے جدّی گھر دی دیوار اُتے لوے جیہدے بارے میری دادی نے مینوں دسیا سی تے ایہی مور سی جنھیں مینوں میرے گھر اپڑایا۔ما ں بو لی دے سیوکا ں نا ل سجے ایس اکٹھ د ا اختتام ایس امید نا ل ہویا کہ چڑھدے تے لہندے پنجاب دے درمیان جیہڑا فا صلہ اے اوہنوں محبتا ں نال گھٹ کیتا جا وے۔ چیئرمین پنجا بی یونین مدثر اقبال بٹ ہو را ں آ کھیا کہ اسیں سا رے آئون والے معزز مہماناں ،سابق چیف جسٹس آف پاکستان جواد ایس خواجہ ، بینہ جواد تے تمام دوستا ں دے شکر گزارآں جیہڑے سا ڈی دعوت تے تشریف لیا ئے تے سا ڈا مان ودھایا۔تقریب دے اخیر اُتے پاکپتن تو ں آ ئے محبوب فریدی قوالاں پر فارمنس دتی تے مہماناں تو ں خوب داد وصول کیتی۔
