جان و مال دے تحفظ تیک کوئی قوم ترقی نہیں کر سکدی، عمران خان
اسلام آباد (بیورو رپورٹ)وزیر اعظم عمران خان نے آکھیا اے کہ جان و مال دے تحفظ تیک کوئی قوم ترقی نہیں کر سکدی ایس ویلے تیک اوہ قوم ترقی نہیں کرسکدی۔ فوج ملکی سرحداں دی،پلس شہریاں دے جان ومال دی محافظ اے۔ مہنگائی ودھ گئی اے،تنخواہ دار طبقہ نوں ملن والی تنخواہ کافی نہیں۔ پچھلے حکمران نشان عبرت نیں، باپ دی چوری بچان لئی بالاں نوں جھوٹھ بولنا پے انج دا پیسہ اللہ دا عذاب اے۔ تفصیلات دے مطابق اسلام آباد وچ پلس لائن وچ پلس دی پاسنگ آؤٹ پریڈ وچ پاس آؤٹ ہون والے نوجواناں نوں مبارکباد پیش کر دیاں ہویاں وزیراعظم عمران خان نے آکھیا ا کہ میں ایس لئی ایتھے آیا واں کہ پاکستان دی پلس نوں اک پیغام دواں کہ جدوں تیک اک قوم دی جان تے مال دی حفاظت نہیں ہوندی اوہ قوم ترقی نہیں کر سکدی۔
عمران خان ہوراں نے مزیدآکھیا اے کہ د نیا دی تاریخ ویکھ لوو کہ جدوں تیک قانون دی عملداری نہیں ہوندی تے لوکائی لئی سکیورٹی نہیں ہوندی ایس ویلے تیک قوم دی خوشحالی نہیں آؤندی۔ میں ساری قوم نوں آکھنا واں کہ جدوں تیک ساڈی آمدنی نہیں ودھدی ایس ویلے تیک تہان صبر کرنا پے گا کیونکہ جس طرحاں اگے ساڈے حالا ت نظر آرہے نیں ساڈے ملک وچ اللہ نے سبھ کجھ دتا اے صرف اسیں اپنا گورننس دا نظام درست کرنا اے ساڈے کول اتنا پیسہ ہووے گا تے سارے پاکستان وچ پلس سنے سارے سرکاری ملازمین دی تنخواہاں ودھاواں گا۔
