پی ڈی ایم وچ شامل مفاد پرست ٹولے دی سمتاں مختلف، منزلاں جدانیں: شبلی فراز

اسلام آباد(بیورو رپورٹ)وفاقی وزیر اطلاعات شبلی فراز نے آکھیا اے کہ پی ڈی ایم وچ شامل مفاد پرست ٹولے دی سمتاں مختلف، منزلاں جدانیں۔ایہہ سانجھ دی ہینڈیا ہن بیچ چوراہے پھوٹ رہی اے۔ تفصیلات دے مطابق وفاقی وزیر اطلاعات و سینیٹر شبلی فراز نے سماجی رابطے دی ویب سائٹ اتے ٹویٹ کردیاں ہویاں آکھیا کہ سرکار دے خلاف تحریک چلان والیاں دے خلاف تحریک چل پئی، مولانا شیرانی تے حافظ حسین احمد دا بیان ایہدی واضح مثال اے۔ ذاتی مفاد نوں فوقیت دین والیاں نوں رسوائی دے سوا کجھ نہیں ملے گا۔ اپوزیشن دی انتشار دی سیاست وچ ملک تے عوام دا بھلا نہیں۔ اللہ اپوزیشن نوں توفیق دے کہ ایس کرسی دی بجائے عوام تے ایہناں دے مسائل نظرآنا شروع ہو جان۔