عثمان بزدار نے 21 تحصیلاں وچ سپورٹس کمپلیکس دی تعمیر دمنظوری دیدتی: فردوس عاشق
لہور(سٹی رپورٹر)معاون خصوصی فردوس عاشق اعوان نے آکھیا اے کہ عثمان بزدار نے 21 تحصیلاں وچ سپورٹس کمپلیکس دی تعمیر دمنظوری دیدتی۔گرین سپورٹس پروگرام دے تحت اک ہزار گراؤنڈز بنائے جان گے۔معاون خصوصی ڈاکٹر فردوس عاشق اعوان نے اپنے ٹویٹ وچ آکھیا کہ وزیراعلی پنجاب عثمان بزداردا ایہہ اقدام پنجاب دے روایتی کھیلاں دی سرپرستی دا مونہہ بولدا دا ثبوت اے۔ اوہناں نے آکھیا اے کہ نوجوان پاکستان دے درخشاں مستقبل دے روشن ستار ے نیں۔ جنہاں چمکدا دھمکدا ویکھن لئی وزیراعلی عثمان بزدار نے سپورٹس کمپلیکسز دی تعمیر، گرین سپورٹس پروگرام دے تحت 1000 گراونڈز بنان دی منظوری دتی، انڈر 16 ریسلنگ، ویٹ لفٹنگ، باکسنگ، جیولن تھرو تے اتھلیٹکس مقابلاں وچ عالمی معیار دی ٹریننگ بزدار سرکار دا نوجواناں نوں تحفہ اے۔
