ایل او سی اتے فائرنگ، بھارتی سفارتکار دی دفتر خارجہ طلبی، شدید احتجاج، احتجاجی مراسلہ تھما دتا گیا
اسلام آباد (بیورو رپورٹ)بھارتی سینئر سفارتکار نوں دفتر خارجہ طلب کر کے 22 دسمبر نوں قابض بھارتی افواج ولوں لائن آف کنٹرول (ایل اوسی) اتے جنگ بندی دی بلااشتعال خلاف ورزیاں اتے شدید احتجاج ریکارڈ کرایا گیا۔ترجمان دفتر خارجہ زاہد حفیظ چوہدری دے مطابق ایل او سی دے جندروٹ تے ہاٹ اسپرنگ سیکٹر وچ بھارتی فوج دی بلا اشتعال فائرنگ دے نتیجے وچ گرڈ جنوبی گاؤں دی رہائشی 50 سالہ خدیجہ شہید ہوگئی سی۔
ایہدے علاوہ ایسی گاؤں دے رہائشی 16 سالہ ثمر، برموچ گاؤں دی 18 سالہ انیلا کوثر تے تانون گاؤں دے 4 سالہ محمد سیماب فائرنگ دے باعث شدید زخمی ہوگئے سن۔ چنانچہ سینئر بھارتی سفارتکارنوں دفتر خارجہ طلب کرکے احتجاجی مراسلہ ایہناں دے حوالے کیتا گیا۔ ترجمان دفتر خارجہ نے آکھیا اے کہ قابض بھارتی افواج ایل او سی تے ورکنگ باؤنڈری دی مسلسل خلاف ورزیاں کردیاں ہویاں آرٹلری، بھاری اور خود کار ہتھیاراں دے ذریعے عام شہری آبادیاں نوں نشانہ بنا رہیاں نیں۔
