وزیراعظم دا گھر ریگولرائز کرنا اختیارات دے ناجائز استعمال دی بدترین مثال اے، مصطفی نواز کھوکھر

اسلام آباد(بیورو رپورٹ) پیپلز پارٹی دے سینیٹر مصطفی نواز کھوکھر نے آکھیا اے کہ وزیراعظم دا گھر ریگولرائز کرنا اختیارات دے ناجائز استعمال دی بدترین مثال اے،اپنے اک بیان وچ اوہناں نے آکھیا اے کہ وزیراعظم عمران خان اقتدار دے نال پہلے جہڑے دعوے کردے سن ہن ایہدے برعکس کر رہے نیں۔ عمران خان تے اک پاکستان بنان چلے سن پر اوہناں نے اپنے دوستاں لئی الگ پاکستان بنا لیا اے۔ تے عوام لئی اک وکھڑ ا پاکستان بنایا اے۔ ہن اک نہیں دو پاکستان نیں۔ اک پاکستان وچ غریب کا گھر مسمار کردتا جاندا اے تے دوجے پاکستان وچ وزیراعظم دا گھر ریگولرائز ہو جاندا اے۔ اختایرات دے ناجائز استعمال اتے چھان بیان ادارے سی ڈی اے حکام کولوں باز پرس کر ن۔ ہن نیب کتھے اے کیوں ایس معاملے اتے کوئی ایکشن نہیں لیا رہیا اے۔