حکومت دا استعفے منظور کرن دا فیصلہ،2نون لیگیاں نوں استعفیاں دی تصدیق لئی سدھ لیا
اسلام آباد( پنجابی میڈیا گروپ)حکومت نے پی ڈی ایم دے استعفے منظور کرن دا فیصلہ کرلیا۔ قومی اسمبلی سیکریٹریٹ نے مسلم لیگ(ن) دے 2ارکان قومی اسمبلی مرتضی جاوید عباسی تے سجاد اعوان نوں استعفیاں دی تصدیق لئی سدھ لیا۔ دوناں لیگی رہنماواں 14دسمبر نوں استعفے سرکاری لیٹر پیڈ اُتے سپیکر نوں گھلے سن۔پاکستان مسلم لیگ نون دے دوناں رہنماواں نوں قومی اسمبلی سیکریٹریٹ نال رابطے لئی مراسلہ جاری کر دتا۔ مراسلے وچ آکھیاگیا اے کہ استعفیاںاُتے دستخط قومی اسمبلی ریکارڈ دے مطابق نیں، ایم این ایز سپیکر دے ساہمنے پیش ہون دی تریخ توں آگاہ کرن،7دناں وچ اوہناں نوں استعفیاں دی تصدیق لئی بلایا جائے گا، جواب نہ دین اُتے ایہ تصور ہوئے گا اوہناں نے اپنے دفاع وچ کجھ نہیں کہنا، مذکورہ صورت وچ دوناں دے استعفے منظور کر لیتے جان گے۔
