گوجرانوالہ:شوہر نے بیوی نوں اگ لا دِتی
گوجرانوالہ(پنجابی میڈیا گروپ)گوجرانوالہ دے علاقے پھلوکی وچ جھگڑے دے نتیجے وچ شوہر نے مبینہ طور تے تیل چھڑک کے بیوی نوں اگ لگا دتی۔ڈی ایس پی نوشہرہ ورکاں دے مطابق واقعہ پھلوکی وچ پیش آیا جتھے روبینہ نامی متاثرہ خاتون شوہر ولوں جلائے جان اتے اسپتال وچ دم توڑ گئی۔ڈی ایس پی نوشہرہ ورکاں دے مطابق متاثرہ خاتون دے شوہر ملزم ندیم دے خلاف مقدمہ درج کر کے گرفتار کر لیا گیا اے۔ڈی ایس پی نوشہرہ ورکاں دا دسنا اے کہ ندیم دی روبینہ توں چار سال پہلاں شادی ہوئی سی۔
