لکھوا لوو اپوزیشن استعفے دوے گی تے ایہناں دے فارورڈ بلاک بن جان گے: وزیراعظم

اسلام آباد: وزیراعظم عمران خان نے پیشگوئی کردے ہوئے آکھیا اے کہ میرے کولوں لکھوا لوو اپوزیشن استعفے دوے گی تے ایہناں دے فارورڈ بلاک بن جان گے۔

چکوال وچ صحافیاں نال غیر رسمی گفتگو کردے ہوئے وزیراعظم عمران خان دا کہنا سی کہ جہناں نے کروڑاں خرچ کیتے انتخابات لڑن وچ اوہ ایہناں دے آکھن اُتے استعفے کیوں دین گے۔ مولانا فضل الرحمان 12 ویں کھلاڑی نیں۔

گل نوں جاری رکھدے ہوئے اوہناں نے آکھیا کہ مولانا فضل الرحمان نے ارباں روپے بنائے تے آمدن دا پتہ نہیں،ایہناں دا کوئہ زریعہ معاش نہیں اے۔ ایہناں دے آکھن اُتے کوئی استعفی نہیں دوے گا، پارٹی دے لوکاں نوں پتہ اے ایہ اپنی کرپشن بچان لئی کر رہے نیں۔ جواب اوہناں نے دینا اے تے اپنے ارکان توں قربانی منگ رہے نیں، ایہناں دے ارکان اسمبلی کدھی وی قربانی نہیں دین گے۔

عمران خان دا کہنا سی کہ ساری قوم جاندی اے30 سال توں ایہ ملک اُتے ظلم کر رہے نیں۔ جس طرح ایہناں دی اولاداں رہندیاں نیں اونج شہزادے وی نہیں رہندے۔ جس نے ایہ سمجھیا قوم بے وقوف اے اوس توں وڈا بیوقوف کوئی نہیں اے۔

اپنا تبصرہ گھلو