پی ڈی ایم دا بکھرداہویا شیرازہ مریم نواز لئی سانحہ توں گٹھ نہیں، فردوس عاشق

لہور(سٹی رپورٹر)وزیراعلی پنجاب دی معاون خصوصی فردوس عاشق اعوان نے آکھیا اے کہ عوام مریم نواز، بلاول بھٹو زرداری تے مولانا فضل الرحمن دی چال بازیاں توں بخوبی واقف نیں۔ اوہناں نے آکھیا اے کہ پی ڈی ایم دا بکھرداہویا شیرازہ مریم نواز لئی سانحہ توں گٹھ نہیں،فردوس عاشق اعوان داآکھنا سی کہ اوہ لٹی دولت نوں جاندا ویکھ کے حواس باخستہ ہو چکی نیں۔

وزیراعلیٰ پنجاب دی معاون خصوصی فردوس عاشق ہوراں نے مزیدآکھیا اے کہ قومی دولت لٹن والیاں دا احتساب ہو کے روے گا۔ اپوزیشن جتنے مرضی جلسے تے دھرنے دے دین۔ ایہناں کولوں پچھ گچھ ضرور ہووے گی۔ وزیراعظم عمران ایہناں نوں این آراو نہیں دین گے۔ جہڑے استعفیٰ ایہناں 31جنوری نوں دے دینے نیں اوہ اج کیوں نہیں دے رہے۔ استعفیاں دی سیاست وی دم توڑ گئی اے۔